ഒരു പ്രേക്ഷകൻ എന്ന നിലയില്‍ ഒരോ സിനിമയെയും എങ്ങനെ വിലയിരുത്തണം എന്നതിന് ഞാന്‍ പിന്തുടരുന്ന തിയറിയാണിത്. ഉദാത്തമായ, മഹത്തരമായ, ത്വാതികമായ അവലോകനം ഒന്നുമല്ല, എന്നാല്‍ സ്ഥിരമായി സിനിമകള്‍ കാണുന്ന, നേരംപോക്കിനെക്കാൾ സിനിമയെ ആസ്വദിക്കാവുന്ന സിനിമാപ്രേമികൾക്ക് എളുപ്പം Follow ചെയ്യാവുന്ന സിമ്പിൾ രീതി.
എങ്ങനെ ആസ്വാദിച്ചു എന്നതിനേക്കാള്‍ എങ്ങനെ അനുഭവപ്പെട്ടു എന്നുള്ളതാണ് Personalized Rating ന് ഏറ്റവും അനുയോജ്യമായത് എന്ന് ഞാന്‍ വിശ്വസത്തോടെ തുടങ്ങാം.
- Storyline
- Screenplay & dialogues
- Camera
- Music & bgm
- Engaging
- Something Special
- Artistic Value
- Art & Vfx
- Favorite Cast & Crew
- Sound
എന്നിങ്ങനെ 10തരത്തിലാണ് ഒരു സിനിമയെ തരം തിരിച്ചിരിക്കുന്നത്. അതായത് ഏത് സിനിമയിലേയും 10 Common Elementsകളുടെ Result ആണ് നമ്മൾക്ക് ആ സിനിമ അസ്വദ്യകരമാക്കി മാറ്റുന്നത്.
ഓരോ Elements നും എങ്ങനെ മാർക്കിടും?
ഉദാഹരണത്തിന് Storyline എടുക്കുക. ഒരു സിനിമയുടെ കഥ പുതുമയുള്ളതായോ അല്ലെങ്കില്‍ മികച്ചതായോ തോന്നുകയാണെങ്കില്‍ 1 മാർക്ക് കൊടുക്കാം, തരക്കേടില്ല എന്നുണ്ടെങ്കിൽ 0.5* (അര) മാർക്കും കൊടുക്കാം. ഇനിയിപ്പോൾ ഇഷ്ടപ്പെട്ടില്ലെങ്കിലോ, പ്രത്യേകിച്ച് ഒന്നും തോന്നിയില്ലെങ്കിലും 0 മാർക്ക് കൊടുക്കാം, *എന്തിനാണ് അര മാർക്കിന്റെ കണക്ക് എന്ന് പറയാം. ഒരു സിനിമയുടെ അഭിപ്രായം ചോദിച്ചാല്‍ കിട്ടുന്ന Responses ഇഷ്ടപ്പെട്ടു, തരക്കേടില്ല, ഇഷ്ടപ്പെട്ടില്ല എന്നിങ്ങനെയാണ്. അത്കൊണ്ട് ‘അര മാർക്ക്’ സിനിമയുടെ റേറ്റിങ്ങിൽ ഒഴിവാക്കാനാവാത്തതാണ്.
ഇങ്ങനെ ഓരോ Elements നും എങ്ങനെ അനുഭവപ്പെട്ടു എന്ന നിലയില്‍ മാർക്ക് കൊടുത്താല്‍ Total Rating നമ്മുക്ക് കിട്ടും
ഇങ്ങനെ ഓരോ Elements നും എങ്ങനെ അനുഭവപ്പെട്ടു എന്ന നിലയില്‍ മാർക്ക് കൊടുത്താല്‍ Total Rating നമ്മുക്ക് കിട്ടും
10 Elements എന്തൊക്കെ ?
(ഈ 10 elementsൽ ഏതിലെങ്കിലും Confusion ഉണ്ടെങ്കില്‍ മാത്രം തുടർന്ന് വായിക്കാം. ഏറ്റവും കൂടുതല്‍ ആളുകൾ കണ്ടിട്ടുള്ള ഒരു സിനിമ എന്ന നിലയില്‍ ‘പ്രേമം’ നമുക്ക് ഉദാഹരണത്തിന് എടുക്കാം. ഓരോരുത്തർക്കും ഒരോ അഭിപ്രായമാണ്, പത്ത് പേരുണ്ടെങ്കിൽ പത്ത് അഭിപ്രായമാണ് എന്ന പ്രബഞ്ചസത്യം നിങ്ങള്‍ക്ക് എല്ലാവര്‍ക്കും അറിയുമല്ലോ എന്ന വിശ്വസത്തോടെ..
)
)- Storyline : പ്രേമത്തിന്‍റെ കഥയ്ക്ക് തരക്കേടില്ല എന്നഭിപ്രായക്കാരനാണ് ഞാൻ അതുകൊണ്ട് 0.5 മാർക്ക് കൊടുക്കാം
- Screenplay & dialogues : എഴുതിവച്ച തിരക്കഥ അതേപടി ഷൂട്ട് ചെയ്തിരിക്കുകയാണ് എന്ന് പ്രേമത്തിന്‍റെ കാര്യത്തില്‍ സംശയമുണ്ടെങ്കിലും തിരക്കഥയ്ക്കും ഡയലോഗ്സിനും 1 മാർക്ക് കൊടുക്കാം.
- Camera* : വിഷ്വൽസിലെ പുതുമയ്ക്ക് 1 മാർക്ക്.
- Music & BGM : മ്യൂസിക്കലാണ് പ്രേമം, ചങ്ക് രാജേഷ് മുരുഗേശന് 1 മാർക്ക്
- Engaging : പിടിച്ചിരുത്തി എന്നൊക്കെ പറയുന്നതിതാണ്, ഒരിടത്തും ബോറടിപ്പിക്കാതെ വാച്ചിലോ, മൊബൈലിലോ നോക്കി സമയം കളയാതെ ഇരുത്താൻ എന്തുകൊണ്ടും പ്രേമത്തിന് കഴിഞ്ഞിട്ടുണ്ട്, അതിന് 1 മാർക്ക്. എന്റെ അഭിപ്രായത്തില്‍ Editingന്റെ മികവാണ് ഒരു സിനിമയെ Engaging ആക്കുന്നത്.
- Something Special : മറ്റുള്ള സിനിമകളേക്കാൾ എന്തെങ്കിലും ‘സ്പെഷ്യാലിറ്റി’ ഉണ്ടെങ്കിലോ, അതായത് “ഡബിൾ ബാരൽ” മികച്ച ഒരു ഉദാഹരണമാണ്. -വീണ്ടും കാണാൻ തോന്നിപ്പിക്കുന്നുണ്ടെങ്കിലോ ( worth repeat watching ) പരിഗണിക്കാവുന്നതാണ്. അതിൽ 1 മാർക്ക്
- Artistic Value : Entertainment എന്നതിനേക്കാള്‍ Artന് പ്രത്യേക പരിഗണന നൽകേണ്ടതുണ്ട്, അത്തരത്തിലുളള ശ്രമത്തിനും മാർക്ക് കൊടുക്കണം. ‘സുഡാനി ഫ്രം നൈജീരിയ’ പോലുള്ള സിനിമ തീയറ്ററിലും ഫിലിം ഫെസ്റ്റിവല്ലിലും ഒരുപോലെ സ്വീകാര്യമാണ്. ഇതിൽ പ്രേമത്തിന് 0 മാർക്ക്.
- Art & Vfx : രണ്ടും രണ്ട് മേഖലകളാണെങ്കിലും സാധാരണ പ്രേക്ഷകന് ഒരു നാണയത്തിന്‍റെ ഇരുവശങ്ങളായാണ് അനുഭവപ്പെടുക. സെറ്റിട്ടതാണെന്ന് അറിയാതിരിക്കുന്നതാണ് മികച്ച ആർട്ട്
എന്ന് അഭിപ്രായമുള്ളവരൊക്കെ ഉള്ള സ്ഥിതിക്ക് Rating വേണ്ടിമാത്രമായാണ് Vfx നെ Artന്റെ കൂടെ കൂട്ടിയിരിക്കുന്നത്. (eg.KGF) പ്രത്യേകിച്ചൊന്നും തോന്നാത്തതിനാൽ 0 മാർക്ക്. - Favorite Cast & Crew : ഇഷ്ടപ്പെട്ട നടീനടന്മാരുണ്ടെങ്കിൽ, ടെക്നീഷ്യൻസുണ്ടെങ്കിൽ സിനിമയോട് പ്രത്യേകം താൽപര്യം ഉണ്ടാകും. അങ്ങനെ 1 മാർക്ക്.
- Sound* : സിനിമയുടെ ശബ്ദവിന്യാസത്തിൽ സൌണ്ട് ഇഫക്ടസിൽ പ്രത്യേകതയ്ക്ക് 1 മാർക്ക് കൊടുക്കാം.
*(Soundന് മാർക്കിടുന്നത് അൽപം ശ്രമകരമാണ് കാരണം ശബ്ദത്തിന്‍റെയും പ്രൊജക്ഷന്റെയും കാര്യത്തില്‍ നമ്മുടെ തീയറ്ററുകൾ മികച്ച നിലവാരം 
പുലർത്തുന്നതിനാൽ മാർക്കിടുന്നത് റിസ്കാണ്. കാരണം ഒരേ സിനിമ വ്യത്യസ്ത തിയേറ്ററില്‍ കാണുമ്പോൾ ശബ്ദത്തിന്‍റെ വ്യത്യാസം അറിയാവുന്നതാണ്)
പുലർത്തുന്നതിനാൽ മാർക്കിടുന്നത് റിസ്കാണ്. കാരണം ഒരേ സിനിമ വ്യത്യസ്ത തിയേറ്ററില്‍ കാണുമ്പോൾ ശബ്ദത്തിന്‍റെ വ്യത്യാസം അറിയാവുന്നതാണ്)
ഈ തിയറി പ്രകാരം പ്രേമത്തിന് കൊടുക്കുന്ന Rating : 7.5/10
അഭിപ്രായങ്ങള്‍