കേരളസംസ്ഥാനത്തിലെ തൃശ്ശൂര്‍ ജില്ലയിലെ കുറ്റൂര്‍ ഗ്രാമത്തിലെ ഒരു ക്രിസ്ത്യന്‍ കുടുംബത്തില്‍ വളര്‍ന്ന ഞാന്‍ ജന്മനാ ഒരു 'ഭാരതീയ'നാണെങ്കിലും 121കോടി ജനങ്ങളുള്ള ഭാരതം 121മത്തെ റാങ്കില്‍ ആയതിനാലാണ് ദേശസ്നേഹം മറന്ന് IVORY COASTനെ പിടിക്കേണ്ടിവന്നത്.
പണ്ടേ എനിക്ക് മോഹന്‍ലാല്‍-മമ്മൂട്ടി തര്‍ക്കം കേള്‍ക്കുന്നതേ കലിയാണ്. അന്ന് ശ്രീനിവാസനെ പിടിച്ചാണ് തര്‍ക്കങ്ങള്‍ ഗോള്‍രഹിത സമനിലയില്‍ അവസാനിപ്പിച്ചിരുന്നത്. പിന്നീട് എനിക്ക് ആരാധിക്കാന്‍ സന്തോഷ്‌ പണ്ഡിറ്റ്‌ ഉദയം ചെയ്തു. ഇപ്പോള്‍ കളിയ്ക്കാന്‍ പോലും ആരും വരില്ല.
ഇതുപോലെ തന്നെയാണ് ഫുട്ബോള്‍ മത്സരവും.
എല്ലാവരും, എവിടെയും അര്‍ജന്‍റീനയും ബ്രസീലും മാത്രം.
എല്ലാ റെയില്‍വേ മേല്‍പാലങ്ങളും നീലയും വെള്ളയും അടിച്ച അര്‍ജന്‍റീനക്കാരുടെയും
എല്ലാ മരങ്ങളും മഞ്ഞയും പച്ചയും ഇലകളുള്ള ബ്രസീലുക്കാരുടെയും.
ഈ രണ്ടു ടീമും ഒഴികെ ഏത് എന്ന് നോക്കിയിരിക്കുമ്പോഴാണ് മൊബൈലില്‍ REAL FOOTBALL എന്ന ഗെയിം ഇന്‍സ്റ്റാള്‍ ചെയ്യുന്നത്.
ഘോരഭീകര കളി. കളിച്ചു കളിച്ചു IVORY COAST എന്ന ടീമിനെ വച്ച് ഞാന്‍ യൂറോ കപ്പ് 2012 കളിച്ചു.
(REAL FOOTBALL ഗെയിമില്‍ അതും പറ്റും) 2012യൂറോ കപ്പ് അടിച്ചു.
INTERNATIONAL CUP കളിച്ചു; അതും അടിച്ചു.
അങ്ങനെ IVORY COASTനോട് ഒരു അടുപ്പം ഉണ്ടായി.
അതിനുശേഷം എപ്പോള്‍ REAL FOOTBALL കളിക്കുന്നുവോ അപ്പോളൊക്കെ എന്റെ ടീം IVORY COAST ആയി.
അവരുടെ ORANGE ജേഴ്സിയും WOYO FOR , FTUTY എന്ന പേരുകളും എനിക്ക് ഇഷ്ടപ്പെട്ടു.(അവരൊക്കെ ഇപ്പോഴും കളിക്കുന്നുണ്ടോ ആവോ)
പിന്നീടങ്ങോട്ട് ടീം ഏതാണെന്ന് ചോദിക്കുന്നവരോടൊക്കെ IVORY COAST എന്ന് പറയാന്‍ തുടങ്ങി. അങ്ങനെയാണ് DROGBA എന്നൊരു മുന്‍നിര താരം IVORY COASTല്‍ ഉണ്ടെന്ന് അറിയുന്നത്. വേറൊരു MID-FIELDER ന്‍റെ പേര് പറഞ്ഞിരുന്നു.
നമ്മുടെ നാട്ടിലെ പോലെ സജി,അജി,വിജി പോലുള്ള പേര് അല്ലാത്തതിനാല്‍ ഓര്‍ക്കുന്നില്ല.
മറ്റു ബൂര്‍ഷ്വാടീം ആരാധകരെ പോലെ ബൈക്കില്‍ കെട്ടി തൂക്കാന്‍ IVORY COASTന്‍റെ കോടിയുടെ നിറങ്ങള്‍ നോക്കിയപ്പോളാണ് ഞാന്‍ ഞെട്ടിയത്.
ഇതും കെട്ടി നടന്നാല്‍,
" ഇലക്ഷന്‍ കഴിഞ്ഞില്ലേ...?
നീയെന്നാ കോണ്‍ഗ്രസ്‌ക്കാരനായേ...?
ഓ..ഒരു ദേശസ്നേഹി വന്നിരിക്കുന്നു..
ആഗസ്റ്റ്‌ 15ആയാ..?" എന്നൊക്കെ ചോദിക്കും...
എന്നാപിന്നെ IVORY COASTന്‍റെ ജേഴ്സി ഇട്ടുനടന്നാലോ..?
"ഓ, നീയിപ്പോള്‍ മോഡി ഭക്തനാണല്ലേ..?
ബൂര്‍ഷ്വാ ടീമുകള്‍ ഒഴികെ ബാക്കി 30 ടീമുകളെ കുറിച്ചൊക്കെ എല്ലാവര്‍ക്കും അറിയുമോ എന്ന് തന്നെ സംശയമാണ്. ഇനി ഫ്ലെക്സ് അടിക്കാമെന്ന് വച്ചാല്‍ ഞാന്‍ ഒറ്റപ്പെടും. മുഴുവന്‍ ചിലവും പണിയും ഞാന്‍ ഒറ്റയ്ക്ക് എടുക്കേണ്ടിവരും; മാത്രമല്ല, WORLD CUP കഴിഞ്ഞാല്‍ ഫ്ലെക്സ് വിരിച്ചിടാന്‍ വീട്ടില്‍ കോഴിക്കൂടില്ല. 'പ്ലാസ്റ്റിക്‌ വേസ്റ്റ്' വെറുതെ ഉണ്ടാക്കണ്ട എന്ന് കരുതി. പരിസ്ഥിതി ദിനത്തിന് നാല് മരം നട്ടിട്ട് ഒരാഴ്ച തികഞ്ഞിട്ടില്ല; അതുകൊണ്ട് ഞാന്‍ ആ പരിപാടികളൊക്കെ ഉപേക്ഷിച്ചു.
ആരാധന മനസ്സിലും FACEBOOKലും മാത്രം.
മോഹന്‍ലാല്‍-മമ്മൂട്ടി തര്‍ക്കത്തില്‍ ശ്രീനിവാസനെ പോലെ അര്‍ജന്‍റീന-ബ്രസീല്‍ തര്‍ക്കത്തിലെ ശ്രീനിവാസന്‍ തന്നെയാണ് IVORY COAST... !!!
TVചാനലിലെ ഏതോ ഒരു FOOTBALL പ്രോഗ്രാമില്‍ പറഞ്ഞതുപോലെ 'പ്രതിരോധ'മാണ് ആഫ്രിക്കന്‍ ടീമുകളുടെ കരുത്ത്.
ആക്രമണത്തെ തടയാന്‍ മാന്യതയുടെ പ്രതിരോധവും മുന്നേറാന്‍ ദ്രോഗ്ബയും.
ആത്മവിശ്വാസത്തോടെ IVORY COASTനൊപ്പം...!!!
വാല്‍കഷ്ണം
വികീപീടിയ പറയുന്നത് IVORY COAST അറിയപ്പെടുന്നത് 'THE ELEPHANTS' എന്നാണ്. അതയത് കേരളത്തിലെ ആനപ്രേമികള്‍ ഏറ്റെടുത്ത് ഫ്ലെക്സ് അടിക്കേണ്ട ടീം ആണ് IVORY COAST. കുഴിയാനയുടെ വരെ ഫ്ലെക്സ് വയ്ക്കുന്ന നമ്മുടെ നാട്ടില്‍ 'ആന ടീമിന്‍റെ' ഫ്ലെക്സ് ഇല്ലാത്തത് വിരോധാഭാസമാണ്...!!!
IVORY COASTന്‍റെ LOGO നോക്കൂ.
IVORY COASTന്‍റെ LOGO നോക്കൂ.
എവിടെയോ ഒരു മലയാളതനിമ ഇല്ലേ..???
അഭിപ്രായങ്ങള്‍